FENG Events‎ > ‎

وەفدێکی ڕێکخراوی IEEE نێودەوڵەتی سەردانی زانکۆی کۆیەیان کرد

posted Feb 14, 2017, 1:02 AM by Faculty of Engineering   [ updated Feb 20, 2017, 12:08 AM ]
بە مەبەستی گفتوگۆکردن و بەدواداچوونی کارەکانی کۆنفڕانسی نێودەوڵەتی کاریگەرییەکانی نەوت و گاز، وەفدێکی ڕێکخراوی IEEE نێودەوڵەتی سەردانی زانکۆی کۆیەیان کرد. ڕۆژی پێنج شەممە 9/2/2017 کاتژمێر 10ی بەیانی وەفدەکە گەیشتە زانکۆی کۆیە کە پێک هاتبوون لە ستافى لقى عێراقى ڕێكخراوەكە بە سەرۆکایەتی پ.د. ستار بدر سادخان. وەفدەكە سەرەتا سەردانى فاكەڵتى ئەندازياريیان كرد و لەگەڵ ليژنەى باڵاى كۆنفرانسەكە كۆبوونەوە، پاشان سەردانى سەرۆكايەتى زانكۆيان كرد و لە لايەن بەڕێز پ.ى.د. وەلى مەحمود حەمەد سەرۆكى زانكۆ وە پێشوازيان لێكرا، دواى گفتوگۆكردن لەبارەى كۆنفرانسى (EIOGI 2017)، ياداشتێك لە نێوان زانكۆى كۆيە و لقى عێراقى ڕێكخراوەكە واژۆكرا.

بەڕێز د. هەڵگورد سەرهەنگ ئەندامی لیژنەی باڵای کۆنفڕانسەکە دەڵێت سەردانی ئەم وەفدە بۆ زانکۆی کۆیە لە چوارچێوەی سەردانە یەک لەدوای یەکەکان بوو بۆ زانکۆی کۆیە بە مەبەستی تاوتوێکردنی بواری زانستی و ئامادەکاری بەدواداچوون بۆ کۆنفڕانسەکە. بەڕێز د. هەڵگورد دەڵێت پوختەی سەردانەکە لەم خاڵانەی خوارەوە پێک هات بوو:
1- واژووکردنی (MOU) لە نێوان زانکۆی کۆیە و رێکخراوی (IEEE) لقی عیراق بە مەبەستی کردنەوەی کۆنفرانسی نێودەلەتی بۆ ئەم ساڵ و ساڵانی داھاتوو.
2- ئامادەکاری و ڕێكخستنی سیستەمی (EDAS) بۆ وەرگرتن و بڵاوکردنەوەی پەیپەرەکانی کۆنفرانسی (EIOGI 2017).
3- تاوتێکردن و چۆنیەتی بەھێزکردنی کۆنفرانسی (EIOGI 2017) لە بواری زانستی.
4- ئامادەکاری و دابینکردنی پێداویستییەکانی کۆنفرانسی (EIOGI 2017) لە کاتی خۆیدا.


Comments